تفصیلات کے مطابق گورنر ہاؤس پنجاب بھی عوام کے لیے کھولنے کا فیصلہ کر لیا گیا، کل عوام پہلی بار پنجاب گورنر ہاؤس کی اندر سے سیر کریں گے۔
گورنر پنجاب چوہدری سرور کے اعلان کے مطابق اتوار کو گورنر ہاؤس عوام کے لیے کھلا رہے گا، صبح 10 سے شام 5 بجے تک فیملیز گورنر ہاؤس کی سیر کر سکیں گی۔
گورنر ہاؤس پنجاب میں چڑیا گھر، جھیل سمیت دیگر مقامات کی سیر کی جا سکے گی، لوگوں کے استقبال کے لیے صوبائی وزرا اور اراکینِ اسمبلی گورنر ہاؤس میں موجود ہوں گے۔
گورنر ہاؤس سے جاری ہدایات کے مطابق آنے والی فیملیز الحمرا کی طرف موجود گیٹ سے اندر داخل ہو سکیں گی، گھرانوں کے سر براہ کے پاس شناختی کارڈ ہونا لازمی ہوگا۔
No comments:
Post a Comment